“தினமும் 2 விவசாயிகள் தற்கொலை”- சௌமியா அன்புமணி
விவாதத்தின்போது பேசிய சௌமியா அன்புமணி, “தமிழ்நாட்டில் தினமும் 2 விவசாயிகள் தற்கொலை செய்துகொள்வதாக புள்ளிவிவரம் கூறுகிறது. சூப்பர் எல்நினோ வரப்போகிறது. அதற்கும் நாம் தயாராக இருக்க வேண்டும். இன்னும் விவசாயிகள் எவ்வளவு கடன் வாங்குவார்கள் என்று தெரியாது. நமது விவசாயிகள் நூறடி பள்ளத்தின் கடன் சுமையில் இருக்கிறார்கள். அதனால் விவசாயிகளின் கடனை தள்ளுபடி செய்ய வேண்டும் என்று கேட்டுக்கொள்கிறேன்.
2026-ல் ஏற்பட்ட ஆட்சி மாற்றத்திற்கு காரணம் பெண்களுக்கு எதிராக நடந்த குற்றச்சம்வங்கள் தான். ஆனால் ஆட்சி மாற்றத்திற்கு பிறகும் அது தொடர்கிறது. பொறுத்ததுபோதும், பொங்கி எழுவோம். பெண்கள் மீது கை வைத்தவர்களை சும்மா விடக்கூடாது. தவறு செய்தவர்களுக்கு உயிர் பயத்தை கொடுக்க வேண்டும்” என்று பேசியிருக்கிறார்.
பிரேமலதா வைத்த கோரிக்கை; ஓபிஎஸ் சொன்ன பதில்! – சட்டமன்றத்தில் கலகல
ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தின்போது பேசிய பிரேமலதா விஜயகாந்த், “முதல்வர் விஜய்க்கு உங்கள் அண்ணன் கேப்டன் சார்பாக பிறந்தநாள் வாழ்த்துகள். சட்டமன்றத்தில் தமிழ்தாய் வாழ்த்து முதலில் பாடப்பட்டது வரவேற்கத்தக்கது. அதேபோல சட்டமன்ற உறுப்பினர்கள் அனைவருக்கு பேச சம வாய்ப்பு தர வேண்டும். ஆனால் ஆளுநர் உரை ஆளுங்கட்சி உரை போல் இருந்தது. அவரின் உரையில் அத்தனை பிழைகள் இருந்தது.
அவரது உரையில் தமிழில் 37 பிழைகள் இருந்தன” என்று கூறினார். அப்போது பேசிய சபாநாயகர், “வேறு மாநிலத்தை சேர்ந்த ஆளுநர் தமிழை உச்சரிக்க முயன்றதையே நாம் பாராட்ட வேண்டும். ஆளுநர் தமிழை கற்றுக்கொள்ள ஆர்வமாகத்தான் இருக்கிறார்” என்றார். தொடர்ந்து பேசிய பிரேமலதா விஜயகாந்த், ” உறுப்பினர்கள் இருக்கையில் கிளாஸில் தண்ணீர் வைப்பதற்கு பதிலாக தண்ணீர் பாட்டில் வைக்க வேண்டும்” என்றார். அதற்கு ஓபிஎஸ் ” அண்ணியார் நல்ல கருத்தை சொல்லியிருந்தாலும் அந்தக் கருத்து ஏற்புடையது அல்ல. சட்டமன்ற உறுப்பினர்களுக்கு கோபம் வந்தால் தண்ணீர் பாட்டிலை எறிவதற்கு வாய்ப்பு இருக்கிறது” என கூறினார். அப்போது சட்டமன்றத்தில் சிரிப்பலை ஏற்பட்டது.
புதிய தீர்மானத்திற்கு எதிர்கட்சியினர் எதிர்ப்பு
மேகதாது அணை விவகாரத்தில் தமிழக அரசின் தீர்மானத்தில் திருத்தம் மேற்கொள்ளப்பட்டதற்கு எதிர்கட்சி எம்எல்ஏக்கள் எதிர்ப்பு தெரிவித்து வருகின்றனர்.
இரண்டு நாட்கள் விடுமுறைக்குப் பிறகு, இன்று (ஜூன்.22) தமிழ்நாடு சட்டப்பேரவை கூடியிருக்கிறது. ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில் மேகதாது அணை விவகாரம் தொடர்பாக விவாதிக்கப்பட்டு வருகிறது.
கடந்த வெள்ளி கிழமையே மேகதாது அணை விவகாரம் தொடர்பாக தீர்மானம் நிறைவேற்றப்பட்டது. ஆனால் அந்த தீர்மானத்தில் தற்போது ‘ புதிய நடுவர் மன்றம் அமைக்க வேண்டும்’ எனத் திருத்தப்பட்டுள்ளது. மேகதாது அணை தீர்மானத்தில் முதல்வர் விஜய் திருத்தத்தை சேர்த்தது அவை மீறிய செயலாகும் என்று எதிர்கட்சியினர் எதிர்ப்பு தெரிவித்து வருகின்றனர்.
சட்டமன்றம்: இணைந்தும், இணையாமலும் வெளிநடப்பு செய்த அதிமுக; உள்ளே வேலுமணி- வெளியே எடப்பாடி
இரண்டு நாட்கள் விடுமுறைக்குப் பிறகு, இன்று (ஜூன்.22) தமிழ்நாடு சட்டப்பேரவை கூடியிருக்கிறது. ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதம் தற்போது சட்டமன்றத்தில் நடைபெற்று வருகிறது. இந்நிலையில் சட்டமன்றத்தில் பேச அனுமதிக்கவில்லை எனக் கூறி அதிமுக உறுப்பினர்கள் வெளிநடப்பு செய்திருக்கின்றனர்.
உரிமை மீறல் பிரச்னை தொடர்பாக அவையில் பேச அனுமதிக்க வேண்டும் என அதிமுக பொதுச்செயலாளர் எடப்பாடி பழனிசாமி முழக்கமிட்டிருக்கிறார். இதில் குறிப்பான விஷயம் என்னவென்றால் எடப்பாடி பழனிசாமி தரப்பு வெளிநடப்பு செய்திருக்கும் நிலையில் எஸ்.பி வேலுமணி, நத்தம் விஸ்நாதன், பழனி தொகுதி எம்.எல்.ஏ கே.ரவி மனோகரன், சங்கராபுரம் எம்.எல்.ஏ ராகேஷ் ஆகியோர் வெளிநடப்பு செய்யவில்லை என்பது குறிப்பிடத்தக்கது.
அதிமுக வெளிநடப்பு
சட்டப்பேரவையில் உரிமை மீறல் பிரச்னை தொடர்பாக அவையில் பேச அனுமதிக்க வேண்டும் என்று அதிமுக பொதுச்செயலாளர் எடப்பாடி பழனிசாமி கோரிக்கை வைத்தார்.
பின்னர், ‘அவையில் பேச அனுமதிக்கவில்லை’ என்று அதிமுக சட்டமன்ற உறுப்பினர்கள் வெளிநடப்பு செய்துள்ளனர்.
சபாநாயகருடன் எடப்பாடி பழனிசாமி வாதம்!
மேகதாது அணை தீர்மானம் பற்றி உரிமை மீறல் பிரச்னை எழுப்பி பேசக் கோரி எடப்பாடி பழனிசாமி தொடர்ந்து ஆவேசமாக கூச்சலிட்டு சபாநாயகருடன் வாதம்.
திருவள்ளூர் அமோனியா வாயு கசிவு சம்பந்தமாக அவையில் அமளி!
சட்டமன்றக் கூட்டத்தொடர் தொடங்கி, நடைபெற்று வருகிறது. ஆளுநர் உரை மீதான விவாதம் இன்று நடைபெறுகிறது. இந்த நிலையில், 110 விதியின் கீழ் திருவள்ளூர் அமோனியா வாயு கசிவு விபத்து பற்றி தொழிலாளர் நலத்துறை அமைச்சர் பர்வேஸ் பேச எழுந்த நிலையில், மேகதாது அணைக்கு எதிராக நிறைவேற்றப்பட்ட தீர்மானம் பற்றி அதிமுகவினர் உரிமை மீறல் தீர்மானம் எடுக்கக் கோரி அவையில் கூச்சலிட்டு அமளி செய்து வருகின்றனர்.
இன்று சட்டப்பேரவை!
இரண்டு நாட்கள் விடுமுறைக்குப் பிறகு, இன்று தமிழ்நாடு சட்டப்பேரவை கூடுகிறது. இரண்டாவது நாளாக, ஆளுநர் உரைக்கு நன்றி தெரிவிக்கும் தீர்மானத்தின் மீது இன்று விவாதம் நடைபெற உள்ளது.
எதிர்க்கட்சித் தலைவர் உதயநிதி ஸ்டாலின், அதிமுக பொதுச்செயலாளர் எடப்பாடி பழனிசாமி ஆகியோர் இன்று உரையாற்ற உள்ளனர்.
தமிழ்நாடு மற்றும் இந்தியாவின் முக்கிய செய்திகளின் அப்டேட்டுகளை இந்த Live Blog-ல் தெரிந்துகொள்ளலாம்.
