ஆளுநர் உரையின் மேற்கோள்கள்

> மக்களே நாட்டின் உண்மையான எஜமானர்கள் – பேரறிஞர் அண்ணா. 

> சமத்துவம், சுதந்திரம் மற்றும் சகோதரத்துவம் ஆகிய மூன்றும் ஒன்றிணைந்ததே உண்மையான ஜனநாயகம் – அண்ணல் அம்பேத்கர். 

> மறுமலர்ச்சி என்பது மாண்புகளை மாய்த்திடும் நஞ்சு அல்ல. மாண்புகளை மாய்க்கும் நச்சுப் பூச்சிகளை அழித்திடும் முறை – பேரறிஞர் அண்ணா.

> பிறப்பொக்கும் எல்லா உயிர்க்கும் – வள்ளுவர்

சாதிவாரி கணக்கெடுப்பு

“ஒன்றிய அரசு மக்கள்தொகை கணக்கெடுப்பு நடத்தும் போது சாதிவாரி கணக்கெடுப்பையும் சேர்த்து எடுக்க இந்த அரசு வலியுறுத்தும் என்று ஆளுநர் உரையில் குறிப்பிடப்பட்டிருக்கிறது.

அப்படியொரு நிலையை ஒன்றிய அரசு எடுத்த உடன், தமிழ்நாட்டில் நாங்கள் சாதிவாரி கணக்கெடுப்பை எடுப்போம் என்பது போன்ற நிலையை இந்த ஆளுநர் உரை தெரியப்படுத்துகிறது.

தமிழ்நாடு அரசு தனியாக சாதிவாரி கணக்கெடுப்பை எடுக்காது என்பது இதன் மூலம் தெரிகிறது” – எம்.எல்.ஏ தமீமுன் அன்சாரி

ஆட்சியாளருக்கு சாதகமான உரை

“ஆட்சியாளர்களுக்கு சாதகமான உரை ஆளுநர் உரை. இரண்டு முறை தேசிய கீதம் பாடப்பட்டதை வரவேற்போம்” – தேமுதிக எம்.எல்.ஏ பிரேமலதா.

39 நிமிடங்கள்…

இந்தக் கூட்டத்தொடரின் ஆளுநரின் உரை 39 நிமிடங்கள் வாசிக்கப்பட்டுள்ளது.

இந்து சமய அறநிலையத்துறையில்…

“இந்து சமய அறநிலையத்துறையில் அமைப்பு ரீதியான மாற்றத்தை தவெக அரசு மேற்கொள்ள உள்ளது” – ஆளுநர் அர்லேகர் உரை

தவெக அரசின் அடிப்படை கொள்கைகள்

“மாநில உரிமை, பெண்கள் பாதுகாப்பு, நலன், சமூகநீதி, சமவாய்ப்பு ஆகியவை தவெக அரசின் அடிப்படை கொள்கைகள்” – சட்டப்பேரவையில் ஆளுநர் அர்லேகர் உரை.

தமிழ்நாட்டுக்கு வழங்க வேண்டிய நிதியை உடனடியாக…

“மும்மொழிக் கொள்கையை அமல்படுத்தினால்தான் கல்வி நிதி விடுவிக்கப்படும் என்பதை ஒன்றிய அரசு மறு ஆய்வு செய்ய வேண்டும்.

தமிழ்நாட்டுக்கு வழங்க வேண்டிய நிதியை உடனடியாக விடுவிக்க வேண்டும்” – சட்டப்பேரவையில் ஆளுநர் அர்லேகர் உரை.

மேகதாது அணை கட்டுவதை…

“கர்நாடகா அரசு மேகதாது அணை கட்டுவதைத் தடுக்க தமிழ்நாடு அரசு உறுதியான நடவடிக்கைகளை எடுக்கும்.

தமிழ்நாட்டில் உள்ள நதிகளை இணைக்க நடவடிக்கை எடுக்கப்படும்.

சட்ட விரோத கனிமவள கொள்ளையைத் தடுக்க அரசு தீவிர நடவடிக்கை எடுத்து வருகிறது” – ஆளுநர் அர்லேகர் உரை.

முந்தைய அரசின்…

“முந்தைய அரசின் தொழில் கொள்கைகளை தொடர்வதுடன், புதிய தொழில் கொள்கையை தமிழக வெற்றிக் கழக அரசு வெளியிட உள்ளது.

தலைமைச் செயலாளர் தலைமையில் தமிழ்நாடு முதலீட்டு ஊக்குவிப்பு ஆணையம் அமைக்கப்படும்” – ஆளுநர் அர்லேகர் உரை.

தவெக அளித்த வாக்குறுதிகள்.!

“நிதிப் பற்றாக்குறை இருந்தாலும் தவெக அளித்த வாக்குறுதிகள் நிறைவேற்றப்படும்” – ஆளுநர் அர்லேகர் உரை.

ஆளுநர் உரையில்…

அண்ணா, பெரியார், அம்பேத்கர் ஆகியோரின் பேச்சுகளையும் மேற்கோளிட்டு ஆளுநர் உரை.

ரூ.1 லட்சம் மேல் கடன்

“கடந்த 5 ஆண்டுகளில், தமிழ்நாட்டின் கடன் ரூ.10 லட்சம் என இரட்டிப்பாகி உள்ளது. இதனால், தமிழ்நாட்டில் ஒவ்வொரு குடிமகன் தலையிலும் ரூ.1 லட்சம் மேல் கடன்” – ஆளுநர் அர்லேகர் உரை.

பல்வேறு நிதி நெருக்கடிக்கு இடையிலும்…

“தமிழ்நாட்டிற்கு அளிக்க வேண்டிய பல்வேறு நிதிகள் தொடர்பாக ஒன்றிய அரசிடம் முதலமைச்சர் கோரிக்கை வைத்துள்ளார்.

மதுரை, கோவை மெட்ரோ ரயில் திட்டங்களுக்கு அனுமதி அளிக்க வேண்டும்.

ஒன்றிய அரசு இதைப் பரிசீலனை செய்து அனுமதி அளிக்கும் என்ற நம்பிக்கை உள்ளது.

போதையில்லா தமிழ்நாட்டை உருவாக்க இந்த அரசு நடவடிக்கைகளை எடுத்து வருகிறது.

717 டாஸ்மாக் கடைகள் மூடப்பட்டுள்ளன.

பல்வேறு நிதி நெருக்கடிக்கு இடையிலும் சிங்கப்பெண் அதிரடிப் படை உள்ளிட்ட திட்டங்களை தமிழ்நாடு அரசு செயல்படுத்தியுள்ளது.”

– சட்டப்பேரவையில் ஆளுநர் அர்லேகர் உரை.

தமிழ்நாட்டில் இருமொழிக் கொள்கை மட்டுமே!

“ஆங்கிலம், தமிழ் என தமிழ்நாட்டில் இருமொழிக் கொள்கை மட்டுமே. இந்த அரசு இருமொழிக் கொள்கையை மட்டுமே தொடர்ந்து பின்பற்றும்.

இந்த அரசு தேசிய கல்விக் கொள்கையை கடுமையாக எதிர்க்கிறது” – ஆளுநர் அர்லேகர் உரை.

ஆளுநர் அர்லேகர் உரை

“தமிழ்நாட்டு அரசியல் வரலாற்றிலேயே இதுவரை யாரும் பார்த்திராத ஒரு மாபெரும் மாற்றம் நடந்திருக்கிறது.

ஏகப்பட்ட தடைகளையும், பண பலத்தையும் தாண்டி, ஜனநாயகத்தைக் காப்பாற்றுவதற்காக மக்கள் தவெக அரசின் மீது தங்களின் முழு நம்பிக்கையை வைத்துள்ளனர்.

கட்சியைத் தொடங்கி இரண்டே ஆண்டுகளுக்குள், தமிழக வெற்றிக் கழகம் மக்களின் பேராதரவோடு ஆட்சியைப் பிடித்துள்ளது.

விஜயால் மட்டும்தான் தமிழ்நாட்டை ஆள முடியும் என்று மக்கள் தங்கள் தீர்ப்பை வழங்கியிருக்கிறார்கள். மக்களுக்காக நீங்கள் சட்டமன்றத்தில் சிறப்பான விவாதங்களை முன்னெடுப்பீர்கள் என்று நான் நம்புகிறேன்” – ஆளுநர் அர்லேகர் உரை.

மாற்றாமல்…

தவெக அரசு கொடுத்த உரையை மாற்றாமல் அப்படியே வாசிக்கும் ஆளுநர் அர்லேகர்.

திமுகவின் எதிர்ப்பு பாதகைகள்

▪️ வாயைத் திறங்க CM

▪️ கதறல் கேட்குதா CM?

▪️ சிறு பெண்கள் இங்கே! சிங்கப் பெண்கள் எங்கே?

▪️ ரீல்ஸ் இங்கே.. ரியல் எங்கே?

▪️ மாஸ்டர் வாயில் பிளாஸ்டர்..

▪️ திரையில் நாயகன்.. தரையில் வில்லன்

▪️ திரையில் HERO இல்ல.. தரையில் ZERO

▪️ தற்குறி ஆட்சி தமிழ்நாடே சாட்சி

▪️ தூய சக்தி அல்ல துயர சக்தி

உள்ளிட்ட வாசகங்கள் அடங்கிய பதாகைகளை ஏந்தி திமுக உறுப்பினர்கள் போராட்டம்

முதலில் தமிழ்தாய் வாழ்த்து

இந்தச் சட்டமன்றக் கூட்டத்தொடர் முதலில் தமிழ்தாய் வாழ்த்துடனும், அடுத்து தேசிய கீதத்துடனும் தொடங்கப்பட்டுள்ளது.

ஆளுநருக்கு காவல்துறை அணிவகுப்பு மரியாதை

அர்லேகர் வருகை

தமிழ்நாடு சட்டமன்றத்திற்கு ஆளுநர் அர்லேகர் வருகை. தமிழ்நாடு சட்டமன்ற சபாநாயகர் ஜே.சி.டி. பிரபாகர் பூங்கொத்து கொடுத்து வரவேற்றார். அமைச்சர் செங்கோட்டையன் சால்வை வழங்கி வரவேற்றார்.

முதலமைச்சர் விஜய் வருகை

தமிழ்நாடு சட்டமன்றக் கூட்டத்தொடரில் பங்கேற்க முதலமைச்சர் விஜய் தலைமை செயலகத்திற்கு வருகை தந்துள்ளார்.

எதிர்க்கட்சி எதிர்ப்பு

தமிழ்நாடு சட்டமன்றத்தின் பிரதான எதிர்க்கட்சியான திமுக எம்.எல்.ஏக்கள் மற்றும் எதிர்க்கட்சித் தலைவர் உதயநிதி ஸ்டாலின் ‘வாயைத் திற CM’ என்கிற கருப்பு பேட்ஜ் அணிந்து தமிழ்நாடு சட்டமன்றத்திற்கு வந்திருக்கிறார்கள்.

எதிர்ப்புப் பதாகைகளையும் கையில் வைத்திருக்கிறார்கள் அவர்கள்.

முதலில் ஆர்ப்பாட்டத்தில் ஈடுபட்ட திமுகவினர் தற்போது சட்டமன்றத்திற்குள் செல்லத் தொடங்கியிருக்கின்றனர்.

வருகை

தமிழ்நாடு சட்டமன்றக் கூட்டத்தொடரை முன்னிட்டு, எம்.எல்.ஏக்கள், அமைச்சர்கள் வர தொடங்கியிருக்கின்றனர்.

தமிழ்த்தாய் வாழ்த்து முதலில் பாடப்படுமா?

முதலமைச்சர் பதவியேற்பு விழா, அமைச்சர்கள் பதவியேற்பு விழா என இதுவரையிலான நிகழ்வுகளில் ‘வந்தே மாதரம்’ தான் முதலில் பாடப்பட்டது.

தமிழ்நாட்டில் தமிழ்த்தாய் வாழ்த்து முதலிலும், தேசிய கீதம் கடைசியிலும் பாடப்படுவதே வழக்கம்.

ஆனால், தேசிய பாடலான வந்தே மாதரம் பாடப்பட்டது பெரும் சலசலப்பை ஏற்படுத்தியது.

இதற்கு ‘ஆளுநர் மாளிகையால் நடத்தப்பட்ட நிகழ்வு’, ‘தேசிய பாடல் முதலில் பாட வேண்டும் என்று வழிகாட்டு நெறிமுறை வந்துள்ளது’ என்று எத்தனை காரணங்கள் கூறப்பட்டாலும், அது ஒத்துக்கொள்ளப்படவில்லை.

இதனால், இன்றைய சட்டமன்றத்தில் தமிழ்த்தாய் வாழ்த்து பாடல் மிக முக்கியமாக கவனிக்கப்பட உள்ளது.

எதிர்க்கட்சிகள் என்ன செய்யப் போகின்றன?

தவெக அரசு அமைந்ததில் இருந்து மின்வெட்டு, பாலியல் வன்கொடுமை சம்பவங்கள், கொலைகள், எம்.எல்.ஏக்கள் ராஜினாமா, குதிரைப் பேரம் குற்றச்சாட்டு போன்ற குற்றச்சாட்டுகள் தொடர்ந்து எழுந்து கொண்டிருக்கின்றன.

இவை குறித்து கேள்வி எழுப்புவதே எதிர்க்கட்சிகளின் இன்றைய அஜென்டா.

அர்லேகருக்கு அழைப்பு

இன்று முதல் நாள் சட்டமன்றக் கூட்டத்தொடர் என்பதால், ஆளுநர் அர்லேகர் உரையுடன்தான் சபை தொடங்கும். இதனால், சட்டமன்ற சபாநாயகர் ஜே.சி.டி.பிரபாகர், அர்லேகருக்கு முறைப்படி அழைப்பு விடுத்துள்ளார்.

முதல் சட்டமன்றம்

இன்று தமிழ்நாடு சட்டமன்றம் கூடுகிறது. தவெக அரசு அமைந்த உடன் கூடும் முதல் சட்டமன்றத் கூட்டத்தொடர் இது.

கூடவே, இந்த அமைச்சரவையில் கூட்டணிக் கட்சிகளும் இடம்பெற்றிருப்பது முக்கியமானது.

இன்றைய தமிழ்நாடு சட்டமன்ற நிகழ்வுகள் மற்றும் பிற அரசியல் நிகழ்வுகளைத் தெரிந்துகொள்ள இந்த Live Blog-ல் இணைந்திருங்கள்.